إلى الاستاذ جمال مبارك: اللى اختشوا ماتوا
هى الدنيا حالها اتقلب، ولا الواحد اما يبقى كريم مع حد بياخد فوق دماغه..
استاذ جمال مبارك بيصرح انه هيقاضى كل من اساء لحسنى مبارك..انا مش فاهمة هو بيتكلم عن ايه بيتكلم عن 85 مليون مصرى،ده غير العرب،والاجانب اللى كانوا مع الثورة،يعنى ممكن يوصل عدد المدعى عليهم فى القضية دى مليار واحد يعنى،طب كويس حتى اللى استاذ جمال خدوه من هنا يتصرف على القضايا من هنا...
ياخوفى يكون حضرتك لسه بتحكم مصر من خلال التليفون،وبتدير البلد من خارج القاهرة ..الحكاية دى لو صح تبقى الثورة ماعملتش حاجة ..ماهو اللى يخلى جمال مبارك يطلع ويتكلم بالشكل ده معناها انه لسه له سلطة فى مصر ...لانه بيتكلم من غير خوف ،عموما حكومة شفيق دى كلها لازم تتغير لان لسه فيها وزراء فاسدين زى سامح فهمى وعائشة عبد الهادى،ازاى الحزب الوطنى لسه موجود فى الحكومة ،دى حاجة تخوف جدا
وبعدين انا مش فاهمة هو مين اللى اهان مين،مين اللى قعد يقتل ويسرق وينهب فى التانى لمدة 30 سنة،مين اللى خلى كرامة مين فى الارض، انا مش هقول غير كلمة واحدة فلتذهب انت ووالدك إلى مزبلة التاريخ.... انتو سفاحين قتلتوا اخواتنا وكنتم بتقتلونا كل يوم بالفقر والذل والبطالة و المحسوبية والواسطة والرشوة والفساد والامراض ..الخ
ايه اللى بيحصل ده ازاى قادر تطلع تقول الكلام ده ،ده انت لسه حسابك جاى قريب مش هنسامحك على اللى اخدته مننا ونهبته انت وعيلتك هنحاسبك محاسبة السفاحين مع ان السفاحين قلوبهم رحيمة عنكم ،هناخد المليارات حقنا وحق اولادنا وحق الاجيال الجاية ،هناخد حقنا منكم على كل واحد مات شهيد سواء فى العبارة او فى الثورة او على الحدود او مات فى البحر علشان يلاقى وظيفة فى بلد غريبة عنه،هناخد حقنا فى تضليل الرأى العام وتخوين شباب الثورة،هناخد حقنا فى البلطجية اللى طلعتوها على البيوت،هناخد حقنا فى المساجين اللى سرحتوها على الشعب تقتل وتنهب ،وهناخد حقنا فى الامراض اللى جبتوهلنا من السرطان اللى حطتوه فى اكلنا وزرعنا،وهناخد حقنا فى خصخصة المال العام،بعد كل ده تفتكر مين اللى المفروض يرفع دعوى على مين
واخر كلامى احب اقول المجرم مالوش الحق انه يتكلم ..واحب اقول كمان اللى اختشوا ماتوا
وبهدى لجمال مبارك الاغنية دى ،وبقوله ( اذا لم تستحى فافعل ماشئت )
استاذ جمال مبارك بيصرح انه هيقاضى كل من اساء لحسنى مبارك..انا مش فاهمة هو بيتكلم عن ايه بيتكلم عن 85 مليون مصرى،ده غير العرب،والاجانب اللى كانوا مع الثورة،يعنى ممكن يوصل عدد المدعى عليهم فى القضية دى مليار واحد يعنى،طب كويس حتى اللى استاذ جمال خدوه من هنا يتصرف على القضايا من هنا...
ياخوفى يكون حضرتك لسه بتحكم مصر من خلال التليفون،وبتدير البلد من خارج القاهرة ..الحكاية دى لو صح تبقى الثورة ماعملتش حاجة ..ماهو اللى يخلى جمال مبارك يطلع ويتكلم بالشكل ده معناها انه لسه له سلطة فى مصر ...لانه بيتكلم من غير خوف ،عموما حكومة شفيق دى كلها لازم تتغير لان لسه فيها وزراء فاسدين زى سامح فهمى وعائشة عبد الهادى،ازاى الحزب الوطنى لسه موجود فى الحكومة ،دى حاجة تخوف جدا
وبعدين انا مش فاهمة هو مين اللى اهان مين،مين اللى قعد يقتل ويسرق وينهب فى التانى لمدة 30 سنة،مين اللى خلى كرامة مين فى الارض، انا مش هقول غير كلمة واحدة فلتذهب انت ووالدك إلى مزبلة التاريخ.... انتو سفاحين قتلتوا اخواتنا وكنتم بتقتلونا كل يوم بالفقر والذل والبطالة و المحسوبية والواسطة والرشوة والفساد والامراض ..الخ
ايه اللى بيحصل ده ازاى قادر تطلع تقول الكلام ده ،ده انت لسه حسابك جاى قريب مش هنسامحك على اللى اخدته مننا ونهبته انت وعيلتك هنحاسبك محاسبة السفاحين مع ان السفاحين قلوبهم رحيمة عنكم ،هناخد المليارات حقنا وحق اولادنا وحق الاجيال الجاية ،هناخد حقنا منكم على كل واحد مات شهيد سواء فى العبارة او فى الثورة او على الحدود او مات فى البحر علشان يلاقى وظيفة فى بلد غريبة عنه،هناخد حقنا فى تضليل الرأى العام وتخوين شباب الثورة،هناخد حقنا فى البلطجية اللى طلعتوها على البيوت،هناخد حقنا فى المساجين اللى سرحتوها على الشعب تقتل وتنهب ،وهناخد حقنا فى الامراض اللى جبتوهلنا من السرطان اللى حطتوه فى اكلنا وزرعنا،وهناخد حقنا فى خصخصة المال العام،بعد كل ده تفتكر مين اللى المفروض يرفع دعوى على مين
واخر كلامى احب اقول المجرم مالوش الحق انه يتكلم ..واحب اقول كمان اللى اختشوا ماتوا
وبهدى لجمال مبارك الاغنية دى ،وبقوله ( اذا لم تستحى فافعل ماشئت )
0 التعليقات:
إرسال تعليق