بابا حسنى و رد الجميل
انا استغربت جدا اما سمعت ان فى مسيرة يوم الجمعة اسمها مسيرة ((رد الجميل لمبارك)) او كما يطلقوا عليه بابا حسنى ،وكأنه خيره مغرقهم.... بس رجعت وغلطت نفسى طب ليه مايكونش فى يعنى مسيرة رد الجميل له يعنى هو الراجل ماعملش حاجة حلوة خلال ال30 سنة دول،كله هباب فى هباب ،اللون البمبى يعنى ماكانش موجود فى الدنيا ...
بصراحة قعدت افكر افكر عايزة افتكرله حاجة بردو ماهو انا بت حقانية وهوبا افتكرت ايوه ايوه ده احنا مافيش حد فكر انه يحتلنا طول ال30 سنة دول نهائيا ولاامريكا ولااسرائيل،واول ماجت كلمة اسرائيل فى دماغى افتكرت تصدير الغاز لها بااقل الاسعار وكأنه اوكازيون ،او كأن اسرائيل دى ماسكة علينا زلة واحنا بنرضيها،هو ليه صحيح ياجماعة بابا حسنى عمل كده؟
قولت هو انا ديما سوداوية كده وبفتكر الوحش قبل الحلو طب افكر فى حاجة تانية ...وبعد تفكير عميق وطويل افتكرت الكبارى والمترو المشروع الضخم طبعا والمنشأت والمصانع كمان،لا ده انا كنت ظلماه اوى ، وبعدين افتكرت الضرائب المفروضة زى الجباية ايام زمان ومص دم الناس وفى الاخر يقولك ايه ده حق الدولة عليك مش بنبليلك كبارى ومصانع وووو..... طيب الله يكون فى العون
ده حتى القطاع العام اتخصخص والصناعة والزراعة ادمروا ،لالالالالا كفاية بقا الافكار السوداوية دى انا ديما كده معارضة وخلاص
وبعدين افتكرت الوظائف اللى كانت مغرقة البلد بصراحة البطالة كانت 10% بس يعنى كل شاب كان يتخرج من الجامعة او المعهد يلاقى الشغل ضارب فى وشه كده من غير احم ولا دستور، اه وبمناسبة الدستور ولااقولكم بلاش تعليق عليه علشان انا دمى بيفور لما بفتكر الدستور
بصراحة انا مش عايزة اطول فى التفكير لانى دماغى بقت لابسة طراطير وصدعت وخلاص نافوخى قرب ينفجر،وودانى بطلع دخان وفى الاخر عايزين رد للجميل ،هو كان فى حاجة جميلة فى البلد علشان نردهاله ،من الاخر انتم عندكم عقدة اسمها ستوكهولم سيندروم
وياريت تشوفوا الفيديو علشان تعرفوا ايه هى
بصراحة قعدت افكر افكر عايزة افتكرله حاجة بردو ماهو انا بت حقانية وهوبا افتكرت ايوه ايوه ده احنا مافيش حد فكر انه يحتلنا طول ال30 سنة دول نهائيا ولاامريكا ولااسرائيل،واول ماجت كلمة اسرائيل فى دماغى افتكرت تصدير الغاز لها بااقل الاسعار وكأنه اوكازيون ،او كأن اسرائيل دى ماسكة علينا زلة واحنا بنرضيها،هو ليه صحيح ياجماعة بابا حسنى عمل كده؟
قولت هو انا ديما سوداوية كده وبفتكر الوحش قبل الحلو طب افكر فى حاجة تانية ...وبعد تفكير عميق وطويل افتكرت الكبارى والمترو المشروع الضخم طبعا والمنشأت والمصانع كمان،لا ده انا كنت ظلماه اوى ، وبعدين افتكرت الضرائب المفروضة زى الجباية ايام زمان ومص دم الناس وفى الاخر يقولك ايه ده حق الدولة عليك مش بنبليلك كبارى ومصانع وووو..... طيب الله يكون فى العون
ده حتى القطاع العام اتخصخص والصناعة والزراعة ادمروا ،لالالالالا كفاية بقا الافكار السوداوية دى انا ديما كده معارضة وخلاص
وبعدين افتكرت الوظائف اللى كانت مغرقة البلد بصراحة البطالة كانت 10% بس يعنى كل شاب كان يتخرج من الجامعة او المعهد يلاقى الشغل ضارب فى وشه كده من غير احم ولا دستور، اه وبمناسبة الدستور ولااقولكم بلاش تعليق عليه علشان انا دمى بيفور لما بفتكر الدستور
بصراحة انا مش عايزة اطول فى التفكير لانى دماغى بقت لابسة طراطير وصدعت وخلاص نافوخى قرب ينفجر،وودانى بطلع دخان وفى الاخر عايزين رد للجميل ،هو كان فى حاجة جميلة فى البلد علشان نردهاله ،من الاخر انتم عندكم عقدة اسمها ستوكهولم سيندروم
وياريت تشوفوا الفيديو علشان تعرفوا ايه هى
0 التعليقات:
إرسال تعليق